Ανοίξω το στόμα μου, και πληρωθήσεται Πνεύματος, και λόγον ερεύξομαι, τη βασιλίδι Μητρί· και οφθήσομαι, φαιδρώς πανηγυρίζων, και άσω γηθόμενος, ταύτης τα θαύματα. (δις)
Υπεραγία Θεοτόκε, σώσον ημάς.
Χριστού βίβλον έμψυχον, εσφραγισμένην σε Πνεύματι, ο μέγας Αρχάγγελος, Αγνή θεώμενος, επεφώνει σοι· Χαίρε χαράς δοχείον, δι᾿ ής της Προμήτορος, αρά λυθήσεται.
Υπεραγία Θεοτόκε, σώσον ημάς.
Αδάμ επανόρθωσις, χαίρε Παρθένε Θεόνυμφε, τού Άδου η νέκρωσις· χαίρε πανάμωμε, το παλάτιον, τού μόνου Βασιλέως· χαίρε θρόνε πύρινε, τού Παντοκράτορος.
Δόξα Πατρί και Υιώ και Αγίω Πνεύματι.
Ρόδον το αμάραντον, χαίρε η μόνη βλαστήσασα· το μήλον το εύοσμον, χαίρε η τέξασα· το οσφράδιον, τού πάντων Βασιλέως· χαίρε Απειρόγαμε, κόσμου διάσωσμα.
Και νυν και αεί και εις τους αιώνας των αιώνων. Αμήν.
Αγνείας θησαύρισμα, χαίρε, δι᾿ ής εκ τού πτώματος, ημών εξανέστημεν· χαίρε ηδύπνοον, κρίνον Δέσποινα, πιστούς ευωδιάζον· θυμίαμα εύοσμον, μύρον πολύτιμον.
ΠΗΓΗ: proseuxi.gr
www.worldenergynews.gr
